L’Ayuntamientu de Larrabetzu homenaxeó esti sábadu a un grupu de
milicianos asturianos que morrieron nel so territoriu nel 1937 na
defensa del ‘cinturón de fierro’ qu’arrodiaba Bilbo. El municipiu
bizkaitarra nomólos ciudadanos d’honor.
Hai un añu conocióse la presencia d’una fosa común onde reposaben
los restos d’un grupu indeterminaos de milicianos asturianos desplazaos a
Bizkaia p’ayudar a frenar l’avance de les tropes ‘nacionales’, polo
qu’Ahaztuak 1936-1977, asociación vasca que promueve el reconocimientu
de las víctimes del franquismu, decidió entamar en collaboración col
coleutivu Larrabetzu 1937-2013 un homenaxe a estos homes al que se sumó
l’Ayuntamientu de Larrabetzu, municipiu de 2.000 habitantes onde
morrieron un 12 de xunetu del 1937. Asina, el vienres dieron comienzu
los actos cola celebración d’una charra a cargu de Julen Lezamiz, de
l’sociación Sancho de Beurko, entitulada ‘Sangre de octubre: los
batallones asturianos en Euskadi 1936-37’, que congregó a un públicu
numberosu.
Un Plenu estraordinariu del Ayuntamientu de Larabetzu nomó’l sábadu
por unanimidá a estos milicianos como ciudadanos d’honor, pa depués
celebrar un homenaxe na quintana de Bolumburu frente a la trinchera que
fai de tumba, llugar onde se llevantó un monolitu na so memoria. Darréu,
celebróse una xinta popular nel pueblu y hubo una actuación musical a
cargu de Salvador Amor y Gabriel Ortega. Hasta Euskadi desplazáronse
lluchadores antifranquistes asturianos y una delegación d’Andecha Astur,
amás de los gaiteros de Turrixón. Marcelo Álvarez, voceru de los
convocantes, anunció la intención de celebrar tolos años esti homenaxe
cola intención “non de rescatar los güesos de los muertos, sinón les sos
ideees”. Amás, diose a conocer qu’Ahaztuak 1936-1977 va participar nos
actos que va entamar la Federación Asturiana Memoria y República (FAMYR)
en setiembre pa recordar a los lluchadores asturianos y vascos que
pelearon na batalla d’El Mazucu.
Pablo R. Guardado
www.asturies.com
http://leninisme.blogspot.com.es/2013/06/guerra-civil-en-euskal-herria-el-frente.html
ResponderEliminarbuen madridaje abertzale-republicano ¡ya era hora¡te agradecemos que lo hayas publicado, un abrazo,M
ResponderEliminarDe nada, otro para ti.
ResponderEliminar